काठमाडौं-नेपाल कम्युनिष्ट पार्टी (नेकपा) को प्रचण्ड–माधव समूहले राजधानीमा जनप्रदर्शन सुरु गरेको छ । काठमाडौंका विभिन्न १३ स्थानबाट विरोध प्रदर्शन सुरु भएको हो ।
संसद विघटन विरुद्ध नेकपाले आज बृहत् जनप्रदर्शन गर्न लागेको हो । देशभर हुने बिरोध प्रदर्शनमा पार्टीले हजारौं नेता तथा कार्यकर्ता सडकमा ओराल्ने प्रचण्ड–माधव समूहको तयारी छ ।
त्यसैगरी राजधानीमा पनि पार्टीले ठूलो संख्यामा जनताहरुको उपस्थिति गराउने भएको छ । मंगलवारको उक्त जनप्रदर्शनमा राजधानीका विभिन्न क्षेत्रहरुको नेतृत्व विभिन्न नेताहरुले गर्ने भएका छन् ।
राजधानीमा हुने प्रदर्शनमा सहभागी हुन काठमाडौं उपत्यका वरपरका जिल्लाबाट समेत कार्यकर्ता सहभागी भएका छन् ।
मैतिदेवीः हरिबोल गजुरेल
नक्साल चोकः देवेन्द्र पौडेल
लैनचौरः जनार्दन शर्मा
एन.सी.सी न्यूरोड गेटः अष्टलक्ष्मी शाक्य
टेकु– युवराज ज्ञवाली
कुलेश्वरः बेदुराम भुसाल
कुपण्डोलः पम्फा भुसाल
नयाँबानेश्वरः गिरिराजमणी पोखरेल र लिलामणी पोखरेल
रत्नपार्क शान्ति बाटिकाः मुकुन्द न्यौपाने
त्रिचन्द्र क्याम्पसः योगेश भट्टराई
पूरानो बसपार्कः अमृतकुमार बोहरा
बागबजारः बर्षमान पुन
बाल्मिकी क्याम्पसः गणेश शाह
