स्वास्थ्य मन्त्रालयकै कर्मचारीको कोरोनाले मृत्यु

  • प्रकाशित मिति : January 25, 2021
  • नेपाल ज्योति

काठमाडौं – कोरोना संक्रमणका कारण स्वास्थ्य तथा जनसंख्या मन्त्रालयका एक कर्मचारीको मृत्यु भएको छ । मन्त्रालयमा कम्प्युटर अधिकृतको रुपमा कार्यरत गोदावरी, ललितपुरका ५१ वर्षीय कृष्णगोपाल श्रेष्ठको मृत्यु भएको हो ।

वीर अस्पतालमा उपचाररत श्रेष्ठको सोमबार दिउँसो मृत्यु भएको हो । स्वास्थ्य तथा जनसंख्या मन्त्रालयले श्रेष्ठको निधनप्रति समवेदना प्रकट गरेको छ ।