महाशिवरात्रीमा पशुपति क्षेत्रमा सवारी साधन नचल्ने, यस्तो छ सवारी रुट

  • प्रकाशित मिति : March 10, 2021
  • नेपाल ज्योति

काठमाडौं । बिहीबार महाशिवरात्रीको दिन पशुपतिनाथमा भव्य मेला लाग्ने छ । हिन्दुधर्मावलम्बीहरु देश विदेशबाट पशुपतिनाथको दर्शन गर्न आउने छन् ।

मेलालाई ध्यानमा राख्दै ट्राफिक प्रहरी महाशाखा रामशाहपथले सवारी व्यवस्थापनको विशेष योजना सार्वजनिक गरेको छ ।

महाशाखाले महाशिवरात्रीमा चक्रपथमा सवारी अवागमन सुचारु गर्ने जनाएको छ । महाशाखाले दर्शनार्थीको अत्यधिक चाप भएमा पशुपतिक्षेत्र आसपास गौशलामा सवारी आवागमन निषेध गर्ने जनाएको छ ।

महाशाखाले बुधबार सूचना जारी गर्दै दर्शनार्थीको अत्याधिक भीड भए बिहीबार सवारी आवागमन बन्द हुने क्षेत्रबारे जानकारी गराएको छ ।

चावहिलबाट गौशला, पुरानो बानेश्वरबाट गौशला, ज्ञानेश्वरबाट रातोपुल हुँदै गौशला, तिलगंगाबाट गौशला, द्धारिका होटलतर्फको उतरतिरको शाखा मार्ग, सिफलबाट जयबागेश्वरी, लामापोखरी कुटुबहालबाट मित्रपार्क, गौरीघाटबाट उमाकुण्ड तथा मित्रपा तर्फलगायत क्षेत्रमा सवारी आवागमन बन्द हुने महाशाखाले जानकारी दिएको छ ।