नेपाल ज्योति असार१९- दाङकी ज्योति केसी आफ्नो एनालग अन्तरिक्षयात्री प्रशिक्षण पूरा गरेपछि एनालग अन्तरिक्षयात्रीको आधिकारिक रूपमा प्रमाणित भएकी छिन्। यो तालिम पोल्याण्डमा दुई हप्तासम्म चलेको थियो र उनी लुनारेस रिसर्च स्टेशनमा सहभागी हुने पहिलो नेपाली-अमेरिकी हुन्।
उनले लेखेकी छिन-
“मैले हालै एनालग एस्ट्रोनट प्रशिक्षण पूरा गरें र आधिकारिक रूपमा एनालग एस्ट्रोनटको रूपमा प्रमाणित भएँ। सिरियस मिसनका कमान्डर र इन्जिनियरको रूपमा मैले संसारभरिका (संयुक्त अरब अमेरिका, मेक्सिको र पोल्याण्ड) चार जना चालक दलका सदस्यहरूलाई सहयोग गरें। यो हामी सबैको लागि असाध्यै राम्रो सिक्ने अनुभव थियो।
यो तालिम पोल्याण्डमा दुई हप्तासम्म चल्यो। त्यहाँ उपस्थित हुने पहिलो नेपाली-अमेरिकन (लुनारेस रिसर्च स्टेसन) म नै थिएँ।” उनले थपिन्, “नयाँ प्रविधि, रोबोट उपकरण, गाडी, वासस्थान, सञ्चार, विद्युत उत्पादन, डिजाइन, मोबिलिटी, एरो र हाइड्रो प्लान्टेशन आदि हाम्रो भूमिकामा बारम्बार परीक्षण र अनुसन्धान गरिन्छ। अलग्गै बस्ने र कैद गर्ने टोलीको गतिशीलता, मेनु थकान र अन्य व्यवहारिक प्रभावहरू पनि देखिएको छ। मलाई जीवनमा एक चोटि मौका दिइयो। अनि म मेरा आमाबाबु, दाजुभाइ दिदीबहिनी, नातेदार, साथीहरू र संयुक्त राज्य अमेरिकाको वायुसेनालाई तिनीहरूको सबै ठूलो सहयोगको लागि आभार व्यक्त गर्न चाहन्छु।
उनले हालै आफ्नो फेसबुकमा पोस्ट गरेका तालिमको फोटोहरू –
